ပန်းကိုက်သော ပိုးများ....

ပန်းကိုက်သော ပိုးများ…

ဝထ္ထုတို
ရွှေလမ်းငွေလမ်းဝင်းကြည်
(၁)

အသက်အရွယ်က လေးနှစ်သမီးကလေး ခင်မမနွယ်ပါ။ သူ့အဖေကဌာနတစ်ခုမှ ဒရိုင်ဘာတစ်ဦး ။ သူ့အမေကဌာနတစ်ခုကစာရေးမ တစ်ဦးပါ ။ နေတာကမြို့သစ် ရပ်ကွက်ကပါ။ ကျွန်တော်အိမ်နှင့်ဘေးချင်း ကပ်အိမ်မှာ နေကြတယ် ၊ မိသားစုသုံးဦး ရှိကြတယ် ။ နံနက် မိုး လင်း တာနဲ့ဖခင်က ဖယ်ရီကား ကြိုအမှီ ထွက်ရတယ်။ အမေကလည်း ရုံးချိန် အမှီသွား ရတယ် ။ သမီးငယ် ခင်ပပနွယ်ကလည်း မြို့ ထဲ မှ မူကြို ကျောင်းသူကလေး တစ်ဦးပါ ။ မြေလတ်မြို့ ကလေး မှာ ဆိုတော့ စက်ဘီးတစ်စီး ၊ မိသားစု သုံးဦး ထမင်းဘူး ကိုယ်စီနဲ့ နံနက် ထွက်ကြ ၊ ညနေပိုင်းမှ ပြန်ဆုံကြ ပါတယ်။

(၂)
ဝေလီ ဝေလင်း နံနက်ခင်း စောစော တစ်နေ့မှာ.. ၊ ကျွန်တော့်အိမ်ရှေ့ က စံပယ်ခြုံမှာ ကလေး တစ်ဦး မပြော မဆို ၀င်ပြီး ပန်းတွေ ခူးနေတာ ကျွန်တော်ဇနီး နဲ့ တွေ့ရပါတယ် ။ လက်စ သပ် တော့ လူကြီး တွေမနိုးခင်မှာ လာပြီး ဟိုဘက်အိမ်မှ ခင်ပပနွယ် ကလေး ဖြစ်ပါတယ် ။ ကျွန်တော်ရဲ့ဇနီးကိုလည်းမြင်တော့ သူမရဲ့ ဂါ ၀န်ထဲ ကို ပန်းတွေထည့်ပြီးသူ့အိမ်ဘက်ကို ပြေးဝင်သွား ပါတယ် ။ ကျွန်တော့်ဇနီးသည်ကလဲ သူ့စံပယ်ခြုံက ပန်းတွေကို နံနက်တိုင်း ထ ခူးပြီး ၊ ဘုရားပန်း ကပ် လေ့ရှိပါတယ် ။ အိမ်နီးချင်း ဖြစ်တဲ့ မူကြိုကျောင်းသူ ခင်ပပနွယ် ကလေးကို သူကိုယ်တိုင် အလှ ပြင်ပေးနေကြ ၊ စားစရာ အိမ် မှာ မုန့်ကလေး တွေ ရှိရင် လည်း သွား ပြီး ကျွေးနေကြပါ ၊ အင်မတန် မှ နုနယ်ငယ် ရွယ်လှပနေတဲ့ မူကြိုကျောင်းသူ ပပ လေးဟာ တစ်ခါမှ ဒီလို မလုပ် ခဲ့ပါဘူး ၊ မူကြိုကျောင်းနေလာမှ ဒီ လိုဖြစ်လာတာပါ ။ ရပ်ကွက်ထဲ ရောက်လာ တာလည်း သူမရဲ့ အသက် (၆) လ သမီးအရွယ်က ဒီရပ်ကွက်ထဲ ကိုရောက်လာ ခဲ့ကြပါတယ် ။ သဘောဖြူ မနော ဖြူ ခင်ပပနွယ် ကလေးကို တစ်ရပ်ကွက်လုံးကချစ်ကြလွန်းလို့ ဟိုက ပပ ၊ ဒီက ပပ ရယ်လို့ အနာဂါတ်ရဲ့ ရတနာ ပန်းကောင်းလေးတစ်ပွင့်အနေဖြင့် မျက်နှာပွင့်လန်း နေလျှက်ပါ ။ ဒီနှစ်မှ မူကြိုကျောင်းကို စပြီးထားတာပါ။ ( ၃ ) လဘဲ ရှိသေးတာ ၊ အရွယ်နဲ့ မမျှ ပန်း ကြိုက် တတ်တယ် ။ လူကြီးတွေ မသိအောင် ပန်းခိုးတာဆိုလို့ ဒီတစ်ခါ စတွေ့ ဘူးခဲ့တာ ။ ကျွန်တော့်ဇနီးသည်က ကျွန်တော်ကိုလာပြောလို့သိရပါတယ် ။ ကျွန်တော်ကတော့ မိန်းကလေးဆိုတော့ ပန်းပွင့် ကလေးတွေကို မြင်ရင် လိုချင်စိတ်ရှိတာဘဲ လူကြီးတွေဆီကို တောင်းရလေ ကောင်းမှန်း မသိတာရယ်ကြောင့် ဖြစ်ရတာပါကွာ ။ သူ့အိမ်ကိုသွား မပြောနဲ့ ၊ အားနာစရာကြီးပါလို့ နှစ်သိပ့်စကားပြောခဲ့ရပါတယ် ။ ဒါပေမဲ့ ဒီလို ဖြစ်ရပ်မျိုးကို နောက်ထပ် ( ၄ ) ကြိမ် လောက် ထပ်ဖြစ်တာကိုတွေ့ခဲ့ရပါတယ်။
ကျွန်တော်လည်း ဒီကိစ္စကို သိချင်တာနဲ့ကျောင်းပိတ်ရက်တနေ့မှာ ခင်ပပနွယ်လေးကို မုန့်ပေးပြီး ချော့မော့မေးကြည့်တော့ အဖြေက ရှင်းလင်းသွားပါတယ်..။
(“ဆရာမတွေက လက်ဆောင်မပါရင် မချစ်ကြဘူး..”)။တဲ့ဗျာ…
(၃)

ကျွန်တော်ရဲ့ သမီးကြီးကလဲ ဘေးအိမ်မှ မူကြိုကျောင်းသူ ခင်ပပနွယ်ကလေး ပန်းခိုးတဲ့ အကျင့်မပါအောင်ဆိုပြီး စံပါယ်ပန်းတွေကို နေ့စဉ်ခူး၍ ပန်းကုံးသီပြီး ကျောင်းမသွားခင် ပေးပေးနေတာကို မြင်နေရပါတယ်။ နံနက်ခင်းတိုင်း ခင်ပပနွယ်တို့ မိသားစု စက်ဘီးကလေးတစ်စီးနဲ့ ထွက်ကြတယ်၊ ညနေမူကြိုကျောင်းကို ၀င်ပြီး ခင်ပပနွယ်ကို တစ်ခါတည်း ၀င်ခေါ်လာတာနေ့စဉ်မြင်နေရပါတယ်။
ကျွန်တော့်သမီးက တက္ကသိုလ်တခုကပါ။စာမေးပွဲတွေဖြေပြီးတော့  သူ့ဆရာမ တွေ ကို ကန်တော့ဖို့ ကျွန်တော့ဆီကိုငွေလာတောင်းပါတယ်။ဆရာမတွေက ဘာသာစုံ(၆)ဦး ဆိုတော့ ကျွန်တော့် ဦးဏှောက်သွက်သွက်ပါအောင် ခြောက်ခဲ့ ရပါတော့တယ်ဗျာ၊ ကျွန်တော့်သမီး တစ်ဦးတည်း မကန်တော့ဘဲ နေရင်လည်း သူ့ သူငယ်ချင်းတွေအားလုံးက ကန်တော့ပြီးပြီဆိုတော့ ကျွန်တော်သမီးပဲ ကျန်နေရင် မျက်နှာငယ်ရမှာပေါ့။ စာမေးပွဲဖြေနိုင်ရဲ့သားနဲ့ သမီးရယ်လို့ ပြောတော့လည်း…။ ဖြေနိုင်၊ မဖြေနိုင် ဆရာမတွေကို ကန်တော့မှ သေချာပါသတဲ့၊ ဘယ်လိုလူမျိုးတွေက စတန့်ထွင်လိုက်ပြီး ဒီနေ့ လူငယ်ကျောင်းသားတွေ ရေလိုက်လွှဲနေကြပါလိမ့်မယ်ဗျာ၊ ဒါနဲ့ ကျွန်တော်လဲ ချစ်သမီးရဲ့ ပညာရေး စရိတ်အတွက် မြို့ထဲအပေါင်ဆိုင်ကို သွားခဲ့ရတာပေါ့(မှတ်ချက်-ကျွန်တော်ဇနီးရဲ့ နားကပ်ကို ချွတ်ပြီး ပေါင်ပေးခဲ့ရပါတယ်။ အဲဒီအပေါင်ဆိုင်က အပြန် နာရီကို ကြည့်လိုက်တော့ ညနေ(၄)နာရီ ကျော်လွန်ပြီ။)အဲဒီအချိန်က ခင်ပပနွယ်လေးရဲ့ မူကြိုကျောင်းရှေ့မှာပါ။
ဒါနဲ့ ကျွန်တော် မူကြိုကျောင်းရှေ့မှာ ရောက်နေလို့ ဘေးအိမ်မှ မူကြိုကျောင်းသူ သမီးငယ် ခင်ပပနွယ်ကလေးကို ၀င်ပြီးကြိုလိုက်ပါတယ်။သူု့ဆရာမတွေက ၀ိုင်းပြီးချစ်နေကြတာကိုမြင်ခဲ့ရပါတယ်။သူဟာ အဖြူရောင်ပန်းလေးသက်သက်ပါ။သူ့ရင်ထဲ ရှိတဲ့အတိုင်းပြောတတ်ပါသည်။-မပီကလာ နဲ့ ခင်ပပနွယ်က ဆရာမတွေကို နှုတ်ဆက်ခဲ့ပါတယ်။ “““ချာမ-ချာမ-သမီး သွားတော့မယ်နော်၊ မနက်ဖြန်ကျရင်လည်း ဆရာမတို့ပန်ဖို့ ပန်းတွေ ယူလာပါအုံးမယ်နော် ချာမ…။တာ့တာ..ဘိုင်ဘိုင်..သွားပြီ…သွားပြီ ”””””လို့ နှုတ်ဆက်တာကြားခဲ့ရပါတယ်။

ယခုခေတ်မှာ ပန်းကလေးတွေကို ကိုက်ပြီးဖျက်စီးနေကြသူများ..ကင်းစင်ကြပါစေ..။

ရွှေလမ်းငွေလမ်းဝင်းကြည်
၁၉၉၉ ခုနှစ်က ရေးပါ၏။
အယ်ဒီတာများက မသုံးရဲပါ ဟု ပြန်ပို့စာမူဖြစ်ပါသည်။

Penulis : shwelannwelanwinkyi ~ Sebuah blog yang menyediakan berbagai macam informasi

Artikel ပန်းကိုက်သော ပိုးများ.... ini dipublish oleh shwelannwelanwinkyi pada hari Wednesday, June 17, 2009. Semoga artikel ini dapat bermanfaat.Terimakasih atas kunjungan Anda silahkan tinggalkan komentar.sudah ada 1comments: di postingan ပန်းကိုက်သော ပိုးများ....
 

1 comments:

မိုးခါး said... | June 19, 2009 at 8:29 PM

မြတ်စွာဘုရား
ကြားရတာစိတ်ပျက်ဖို့ကောင်းလိုက်တား(
ဘယ်သူ့ကိုအပြစ်တင်ရမလဲနော်